「翻版王君馨」目標周秀娜
雖然Victoria只係啱啱先殺入娛樂圈，但因早前被拍到與港男高鈞賢夜蒲醉攬而開始為人所認識，更被冠以「翻版王君馨」稱號。
今年暑假Victoria更聯同謝芷蕙（Cammi）、曾寶玲（Ar Yu）、以及「Donut」成員陳芷敏（Elke）、陶嘉瑩（Elise）等......加埋集結13個女仔出一本《Donut x inside》寫真集，期望可以一炮而紅。問到Victoria入娛樂圈有何目標時，佢就話要似周秀娜咁紅：「大家都係做模特兒出身，咁當然想學佢啦！依家周秀娜已經轉型做藝人，又拍戲、又做騷......如果自己可以好似佢咁夠搏、夠出位，將來一樣可以咁成功！」