熱火Shake爆勝利巡遊
熱火昨晨於邁阿密舉行奪冠巡遊，有球迷更天未光就上街排隊希望霸得好位，據統計有40萬人參加這個盛典，勒邦占士（LeBron James）先叼住雪茄站在雙層巴士前與球迷打招呼，其後更用手機自拍短片上傳到Instagram上。巡遊巴士之後返回主場美航中心，準備與持季票的球迷進行奪冠慶典。「大帝」一出現就引來球迷高喊「MVP」，當談及總決賽時，占士表示：「呢場係戰爭考驗精神、身體同情緒嘅戰鬥。」
占士於總決賽Game6跌了頭帶，但之後竟徹底爆發帶領球隊大反撲。現場主持人將Game6跌了的頭帶還畀「大帝」，其他隊友竟一齊向他掟頭帶，場面非常搞笑。占士面對此情景則打趣道：「隊友都知道我冇咗頭帶猶如冇晒所有能量，能完成比賽係一種超乎身體嘅經歷。」「大帝」其後更帶領隊友又一次跳Harlem Shake。
占士未考慮過2014去向
占士2014年的去向備受球迷關注，早前接受《太陽哨兵報》訪問時更被問到成為自由球員的可能性。「大帝」表示：「我從來冇諗過呢個問題。當呢一刻（2014年夏天）嚟到時，我應該會由一個職業球員嘅角度好好諗吓。」唯一可以肯定的是占士下季還會帶領熱火衝擊總冠軍。
另外，「三巨頭」之一韋迪（Dwyane Wade）贏得三個總冠軍後，乘勢推出健體apps。由於很多人不會去健身房，又冇私人健身教練，韋迪希望這個apps可以讓大家知道怎樣正確鍛煉自己。