熱火狂燒 四槍殺鹿
衞冕隊伍熱火強勢沒法擋，昨仗縱有韋迪（Dwyane Wade）避戰仍輕鬆贏波，憑勒邦占士（LeBron James）貢獻30分、8個籃板及7次助攻，作客以88:77擊敗公鹿，自三巨頭成軍以來首次於季後賽橫掃對手4:0晉級，繼續向總冠軍目標進發！
韋迪養傷無礙強勁氣勢
熱火清風送爽過關，每場平均14.8分淨勝分，比起06年及去屆奪冠時的任何一輪季後賽系列賽還要高，對於「閃電俠」因傷休戰，「大帝」坦言是自己的主意：「聯盟爆發傷病潮，連高比拜仁同韋斯布克（Russell Westbrook）呢啲鐵人都傷得，證明球員真係要好好保養身子，所以韋迪一日未痊愈，我都唔會畀佢冒險落場。」成功躋身次圈的熱火，最少會有6天空檔備戰對公牛或籃網的東岸4強賽事。