高比重創含淚收咧

湖人對勇士一戰係高比NBA生涯第1,239場賽事，超越火箭名宿奧拉祖雲（Hakeem Olajuwon）的1,238場，排於NBA史上出場排行榜的第22位。可惜，高比在這紀錄之夜卻勇戰受傷，最後一節末段於突圍時受傷倒地，無法堅持下去被迫提早離場。

左腳跟腱恐斷裂

高比其後撐住拐杖於更衣室接受訪問，雖然仍未進行檢查，但他承認係跟腱撕裂：「真係太差！我做咗一個動作，然後就覺得跟腱有撕裂嘅聲音。我頂唔順甚至行唔到路，嘗試發力都發唔出，真係好慘！」說到此處高比更眼泛淚光表示：「我跟住要做磁力共振，手術然後就係康復，呢個係我17個賽季以來最嚴重嘅傷患。」高比其後於facebook留言，指自己傷勢頗嚴重，對今季復出打定輸數。而《橘郡紀事報》的湖人隨軍記者更於自己twitter表示，高比跟腱不僅是撕裂，可能係完全斷裂，或許有收山的可能。

高比將會接受磁力共振檢查以確定傷勢，一般相信這次疑似跟腱撕裂，極有可能令高比要休息6個月。湖人擊敗勇士仍領先同日贏波的爵士一場排於西岸第八位，但如果高比真的因傷緣盡今季所有賽事，湖人能否殺入季後賽就變得不明朗。「紫金軍團」就算成功保住西岸第八，如果季後賽沒有高比在陣，晉級情況相信不會太樂觀。湖人明早將於主場迎戰馬刺，高比上陣的機會可說微乎其微，湖人讓1.5分捧下盤。（now635周一早上9時30分直播）

本報綜合報道