湖人與爵士在西岸「8哥」爭奪戰中鬥得難分難解，亦成為近期NBA迷的焦點，分分鐘要戰至最後一場才分出高下，但個人心水始終是「紫金兵團」，事關高比拜仁（Kobe Bryant）同杜域侯活（Dwight Howard）輸波等於輸面，入唔到Playoffs好冇「飛士」，所以點都會搏晒命去登上尾班車。
再者，湖人最後4場（包括今晨對拓荒者）都較易打，兼且其中三場對勇士、馬刺及火箭都有主場之利，希望高比仔頂得住在自己地頭打出士氣波。只不過去到季後賽首圈好大機會對住馬刺，能否打出「老8傳奇」就是後話了。
另外，香港全運籃球隊即將於下周三到江西出戰全運預賽，出線形勢同湖人一樣前景險峻，事關近期本地球員要應付銀牌及聯賽，港隊能集合一起練習的機會較少，加上多名南華球員最近表示未能作賽，目前港隊只能九人應戰，與廣東、新疆、浙江、吉林及四川爭奪頭兩名入決賽周，如打到三、四名就要再打附加賽。我在97年打過全運，知道國內省市水平極高，希望球隊能抱學習心態，知己知彼，為東亞運鋪路。
蔡芳裕 香港籃球隊教練 永倫教練兼中鋒