南看台觀戰攻略
睇7欖就梗係要先溫書啦！每場賽事都分上下半段各7分鐘，而各組別決賽就改為上下半場各10分鐘。喺比賽期間進攻球員如果「達陣」成功可以得5分，另外再可追加一個罰球，射入就加多2分。
要數香港7欖最經典，就梗係「南看台」啦！呢個「18禁」球迷區，集合全場最瘋狂、最癲嘅粉絲，亦係全場最High地段，由於座位有限，球迷每日都要排成4個鐘先入到到場o架。
134地段係簽名區，想攞球星簽名就要醒水嘞！場內又設有紀念品攤檔，發售港隊波衫同打氣Ｔ。另觀眾衝入球場裸跑亦間中會發生，通常會出現喺最後一日多場決賽之間嘅休息同頒獎時間，大家準備「洗眼」啦！