JR史密夫宣揚平靚正
紐約人後備JR史密夫（J.R.Smith）今季年薪不足300萬美元，但場內場外都演繹出「蔗渣價錢，燒鵝味道」金句的精髓，除憑Sharp醒表現有望競逐「最佳第六人」殊榮之外，更滿肚密圈計劃推出廉價時裝品牌，踩過界宣揚「平靚正」主義。
JR着衫同打波都抱住一個宗旨，那怕球員抑或服飾價值再低，只要夠「自信」就能夠發熱發亮，因此JR的服飾一向都別樹一格，他最近登上時尚雜誌《Bleu》，受訪時大談潮流心得：「着衫同打波一樣，我永遠唔會畀自己鬆懈落嚟，就算你揸住件好Cheap、過晒時嘅衫，只要你肯畀心機配搭，一樣可以化腐朽為神奇做潮人。我嘅夢想係3年之內做老闆，推出自家品牌服飾，並且會走平價路線，等窮人都可以着靚衫！」
熱火食「湖」靠「阿拉斯加性感男」
JR出名是籃壇潮人，反觀熱火控衞查馬斯（Mario Chalmers）無論身形及外貌都只屬「普通料」，偏偏日前就獲美國雜誌《People》選為「阿拉斯加最性感男士」，認真無厘頭！不過講到場上表現，查馬斯就非常稱職，昨晨貢獻13分及3次助攻，協助熱火主場以107比97擊敗湖人，明早主場讓拓荒者8.5分當然信得過。
（now 678周三早上8時30直播）