吳安儀食盆菜好滋味
香港「Cue后」吳安儀儘管是「90後」的年輕人，但家庭觀念極重，特別是農曆新年必定會向長輩拜年，由於爸爸吳任水今年與媽媽在春節旅遊度歲，這位孝順女昨日已經提早向父母拜早年，而年初二更會與親友齊齊食盆菜，寓意步步高陞。早兩年已經成功減肥的安儀在蛇年最大心願就是要增強肌肉，她笑言：「我唔使要練到有老鼠仔，但最緊要練得肌肉結實啲。」
唔會收爐日日練波
「四眼妹」安儀去年世界業餘桌球錦標賽飲恨屈居亞席，未能成功衞冕爭取「三連冠」，但爸爸在大師組獲得季軍，令她相當雀躍，雖然即將會有一個春節假期，但安儀為求要來屆重奪冠軍寶座，決定「唔會收爐」，仍會保持「日日練波」，更想加操一周兩次做Gym。「四眼妹」稱：「依家磅數雖然減輕，但我覺得肌肉唔夠，所以新一年目標要多加肌肉，增強體能。」
講到即將踏入蛇年，原來安儀每逢新年都會忙不停，因為要到長輩家拜年：「今年爸媽會到北京旅行，所以我和家姐及哥哥就會做代表，我好鍾意新年o架，有利是收又有好嘢食，而每逢年初二我哋傳統都會去上水嘅親戚屋企食盆菜，好好味o架，每次都食到捧住個肚。」而「孝順女」安儀亦特別提早向爸媽拜年：「我恭祝佢哋身體健康、開開心心，爸爸梗係要繼續贏多啲比賽啦！哈哈！」