69歲的拉文現時居住於美國路易斯威爾一間簡陋房間，只靠微薄收入及傷殘津貼生活，他聲稱自去年七月之後，已經未見過哥哥，當時已覺得阿里命不久矣：「佢講唔到嘢，唔認得我，病得好嚴重，可能幾個月內，或者幾日內就會離世，我希望佢可以有尊嚴地離開。」
被禁見面 有口難言
拉文斥責阿里老婆露妮禁止他及阿里前妻所生的兒子，與這位患有柏金遜病的拳擊名宿見面，意圖與外家霸佔阿里名下財產：「哥哥尚清醒時候，講過佢百年老歸後，會將部分財產成立一個基金畀我，但已被露妮阻止。如果佢知道事情發展到咁，一定會好嬲，甚至會同露妮離婚。」
拉文現時只可以用電話同阿里聯絡，但對方已口齒不清，難以溝通，現只寄望能見哥哥最後一面。