大帝嬲爆發爛渣

拒絕韋迪 唔玩入樽3分賽

今屆超級碗將於新奧爾良當地時間2月3日晚上6時30分上演，當日NBA共安排3場賽事，其中兩場於當地時間下午1時開波，惟獨熱火對速龍安排下午2時開打。兩點開打的賽事結束後，照理睇六點半的賽事本應綽綽有餘，問題係熱火要作客多倫多，之後就要返主場鬥山貓，意味球隊鬥完速龍後馬上就要飛返邁阿密，不幸地熱火包機上並無裝置衞星電視，亦沒有wifi提供。

占士向來係死忠的美式足球粉絲，今次冇得欣賞足本超級碗賽事，難怪躁爆表示：「真係令人討厭！」未知是否受此影響，占士甚至請老友韋迪（Dwayne Wade）食檸檬，婉拒對方邀請參加明星賽入樽及3分賽。東岸明星隊長韋迪日前表示自己力勸占士參加更多明星賽活動，但「大帝」統統謝絕，難怪韋迪有點失望。

炮轟制度 薪酬嚴重偏低

此外，占士昨日接受訪問時，認為自己於目前的勞資協議下，不可能得到真正符合自己身價的合約，更指自己為贏得NBA總冠軍已大幅減薪：「我喺場上嘅表現證明我嘅價值，但勞資協議令我得唔到應得嘅回報。如果我打嘅係冇薪酬限制嘅職棒，收入一定好過依家。」

而心情唔靚嘅占士昨日率領熱火作客溜馬，雖射入28分，但對手的大衞韋斯（David West）發威貢獻全隊最高的30分，協助溜馬贏102比89。熱火周一凌晨將作客速龍，占士一定希望速戰速決，趕返邁阿密睇超級碗後半段賽事，熱火讓6.5分捧上盤。

（周一凌晨3時開賽）