石天女隊衞冕失敗
全港學界手球精英賽昨日分別於將軍澳體育館及天瑞體育館進行16強賽事，上屆女子組冠軍石籬天主教中學首戰即遇「滑鐵盧」，被聖公會聖三一堂淘汰，提早宣布衞冕失敗。石天女隊對聖三一堂的比賽鬥得相當燦爛，雙方法定時間內以7比7打成平手，要互射7米球定勝負。兩隊於第1輪射球後仍以3比3平手，第2輪要以「突然死亡」方式決出勝方，最後由聖三一堂勝出晉級，全隊興奮得攬作一團。
身為隊長焗住「扮冇嘢」
聖三一隊長譚佩欣賽後表示今場勝仗令全隊信心大增：「首輪解決咗咁有實力的隊伍，無疑對全隊的爭標路注下一支強心針。其實在知道首戰對石天後我都好擔心，但我對我的隊友好有信心，再加上校方非常支持，就算考試在即，李盤勝校長亦冇禁止我們練波。」另她更大讚龍門鄧妙欣是「滿分龍門」。身為隊長的她在最後互射7米球時雖然表現淡定，其實係「勁緊張」：「我唔能夠表現到好緊張或者好驚，因為我係隊長，我任何一個表情或情緒都會牽動其他隊員，所以我一定要『扮冇嘢』去穩定軍心。」
男子組方面，香港道教聯會青松中學表現出色，以21比11輕取路德會呂明才中學，打入8強。至於孔教學院何郭佩珍中學亦以15比6擊敗寧波第二中學，輕鬆晉級。8強戰將在1月26日及2月2日分別在天瑞體育館及石硤尾公園體育館開打。
昨日戰果
女子組
青年會 10:4 辛亥年
聖三一堂 7:7 石天
(互射7米球4:3)
循道衛理 16:4 瑪利諾
聖瑪利 10:3 伍若瑜
男子組
王少清 15:13 聖言
陳黃淑芳 11:10 可立
青松 21:11 呂明才
何郭佩珍 15:6 寧波二