退役後有乜出路?

啦啦隊女郎職業生涯好短暫,咁「收山」之後佢哋究竟係可以有乜出路呢?據《ESPN》早前嘅調查顯示,退役啦啦隊女郎可以轉職做舞蹈教師或排舞師,另有啲會轉戰NFL(美國國家欖球聯盟)擔任舞蹈女郎,因NFL常規賽僅有16場賽事,主場只得8場,而表演難度亦冇NBA咁高。當然,仲有人會趁退役後暫未「發福」,選擇進入健美行業,擔任健身顧問或健身治療師,亦有人會嘗試勇闖娛樂圈,又或做模特兒甚至發展歌唱事業。

當然,有啲樣靚人氣高嘅「幸運兒」退役後可獲原球會聘用,做門票銷售、社區關係或者企業贊助等文職,繼續發揮佢哋天使面孔嘅優勢,又或者升呢成為球隊啦啦隊指導員,負責招募新人同訓練工作。