好多人都以為ＮＢＡ球隊挑選啦啦隊，首要條件係睇樣？咁到底樣靚係咪真係着數晒？答案係否定嘅，事關選人嘅準則非常嚴格，女仔想入行，要符合好多條件至有得傾。
好似爵士今年挑選17名啦啦隊女郎嗰陣，就將舞蹈技術列為首選，反而將美貌放喺第2優先，相信係靚女太多唔憂揀，反而舞蹈優才更難求。
過咗舞蹈同樣貌呢兩關都未必一定得，因為聯盟有明文規定曾從事色情服務行業的人嚴禁進入啦啦隊。後來範圍更擴大到酒吧女郎、艷舞女郎和成人電影演員。咪以為啦啦隊女郎場上穿着暴露性感就被誤導，查實佢哋嘅「身家」可謂非常清白。一般啦啦隊隊員都係兼職，報酬唔高，不過訓練唔會遷就隊員嘅正職，所以好多人為搵食都過唔到呢關。每個群體都會有「小圈子」，啦啦隊亦唔例外。球隊每年都會接到數以千計嘅應徵申請，甄選後最終只有一小撮人可以入選受訓，但集訓過程中如果同隊友嘅關係處理得唔好，往往會被球隊以「Team Work肥佬」嘅理由叮走。