「鬼才教練」普波維治係史龍之後，執教一支球隊最耐嘅教頭。從球隊利益出發，畀鄧肯等幾位老將休戰，同時可以畀機會年輕一輩去搏，點解有錯？實情係該場馬刺對熱火打起上嚟不相伯仲，最後關頭先至輸少少，就可以睇得出呢班年輕球員極珍惜對強隊嘅機會，當中吸取最大實戰經驗，呢一點解釋到點解馬刺培育出來嘅新人，實力都有番咁上下，背後原因就係教練執教功力。
港籃訓練走「韓化」路線
作為港籃教練，使命係發揮出團隊最大力量。考慮到身高及身形等條件未必夠撼，港籃會向「韓化」打法努力，憑速度及體力、外圍作訓練重心，期待在1月份港澳埠際賽及超級工商盃，以及下半年嘅全運會和東亞運打出好成績。
蔡芳裕