每年暑假搞長洲親子遊
體壇「大姐大」的珊珊覺得課餘活動對小朋友的成長都很重要，並強調親子活動更有助父母與子女的關係，每年暑假他們更返老家長洲舉辦一次大型的親子同樂日，讓女兒與一班朋友仔玩個過痛快。
一齊運動增進親情
珊珊最自豪的是每年暑假在長洲的大型沙灘活動，因為可以親子，又可以訓練囡囡的組織能力，更可助其他家庭提供一個難得的親子活動：「最初原意係幫阿囡搞生日會，後來變成每年一度，已經連續做咗兩年，約埋一班佢哋嘅舊同學一齊去長洲玩，喺舅父Center玩，食吓嘢，游水、獨木舟、風帆。」
珊珊續稱：「其實當中有對母子嘅故事啟發我哋繼續每年都搞，有位媽媽同阿囝玩完獨木舟，阿囝講咗句：『阿媽，我哋好耐冇一齊運動。』個阿媽同我哋講好感動，佢開始反省，亦好多謝我哋畀個機會佢兩母子有個親子活動。好多家長未到暑假已經問定日期，仲會訂埋酒店，當成一家人嘅Tour。雖然好辛苦，但大家開心，好值得！」