理財觀念由細教起
「養一個細路要400萬」這是珊珊多年前在一個廣告中的一句對白，時至今日仍是不少家長的討論話題，珊珊認為養育孩子最重要是父母要肯承擔、有責任，而且孩子亦應自小學習理財，好讓她們有正確的理財觀念。
育有兩女的珊珊對「400萬言論」再次澄清：「400萬這個數目唔係我計出來，係一位專家所講。」不過，她覺得供養孩子不應計算金錢多少：「做阿媽唔係計400萬定係200萬，而係當兩夫妻或者一男一女決定生ＢＢ時，就要承擔、要負責，不能讓孩子自生自滅，很自然就想培育佢，唔好講成才，起碼唔好令社會多一個負累。」
超市購物好有效
珊珊自小教囡囡理財，在生活上灌輸理財概念：「好多時我哋會去Supermarket，會Plan好買乜，等佢哋去買，唔只比較價錢，品質及其他條件都要比較，而且從小就話畀佢哋知爸爸工作好辛苦，教佢哋唔好亂花錢，家姐會明白多啲，有時會唔買，但阿妹仲未識。」珊珊亦嘗試給予女兒零用錢，但效果不算理想，大女會把全部儲起來，唔花費，但儲起的一筆錢卻「唔見晒」！