占士雷神扯「火」炒綠軍

「大帝媽」哥莉亞一直被指與前小牛後衞韋斯有路，塞爾特人球迷好玩唔玩，竟然設計一件印有「LEBRON WENT SOUTH BUT HIS MOM RIDES WEST（勒邦到南部打波但母親就與韋斯做愛）」字樣的Tee挑釁「大帝」。幸好賽事開始前，聯盟於熱火主場美航中心進行冠軍指環頒獎儀式，壓軸登場的占士獲頒發冠軍指環時先識笑番下。

熱火贏塞爾特人13分

至於新加盟熱火的射手雷阿倫，首節入替後隨即到「綠軍」後備席與教練李華士等一眾球員來個擁抱，但「化友為敵」加納特就當雷阿倫透明，令「雷神」勁冇癮。占士及雷阿倫屈埋成肚火當然要發洩，其中占士多次「拆你屋」贏盡球迷掌聲，全場貢獻26分及10個籃板球，雷阿倫亦有19分進帳，加上韋迪攻入全場最高的29分，協助熱火最終以13分差距擊敗塞爾特人旗開得勝。

雷阿倫（左）同「綠軍」舊隊友皮雅斯爭波冇手軟。（美聯社圖片）

熱火老將劉易斯（右）同新加盟「綠軍」嘅泰利打波定跳舞？（美聯社圖片）

搏到抽筋嚇親球迷

儘管贏波取得新季好開始，但占士第四節由於腿部肌肉抽筋而退下火線，令不少球迷虛驚一場。「大帝」賽後表示：「我身體狀況很好，今次輕微受傷只是意外，並非長期的傷病，所以對我來說一點也不擔心。賽事打得非常激烈，正如戰果所顯示的那樣。」

本報綜合報道