性格好強、處事獨立的翠怡，自01年加入港隊，輾轉間在體壇十多個年頭，喜怒哀樂樣樣都有，但回到家中只會與媽媽風花雪月、談天說地，甚少提及劍擊事。
「我很少同家人講訓練嘅嘢，因為我唔想佢哋擔心，其實今次倫敦奧運嘅經歷，係前所未有咁困難，因為年半前換咗教練，同基哥（新任教練）嘅理念好難配合，令我曾經想過唔訓練，唔想去劍擊館，甚至想唔打，因為我唔想去奧運係到此一遊，我要去就要做到最好。」翠怡講出了今屆倫敦殘奧的奪金心聲。
至於將來去向，翠怡還未仔細考慮，但強調暫未想退休：「休息吓先，明年可能會讀書，但我應該會玩理亞殘運，下一屆殘奧始終仲有四年，到時自己有冇能力都未知，所以我想畀自己一啲短期嘅計劃。」其實，翠怡亦有計劃若將來退休，也希望可留在體育界發展。
不過，原來這位「強人」都有弱點，就是最怕執屋，她笑言：「我嘅房間相對下係比較混亂，我係可以執齊整，但要『的』起心肝，我覺得每個人唔能夠樣樣都有條理，有時都要放縱下。」