萊爾神奇復出有料到
現年28歲的前拓荒者王牌萊爾因為雙膝重創被迫於上季開打前宣布退役，但今夏卻神奇康復回歸NBA。萊爾早在暑假訓練營期間已獲美媒目睹連入十三個三分波，更於早前舉行的季前賽有上佳演出，加上木狼今季一口氣簽入「AK47」基利蘭高、三分射手布丁加及俄國新星舒維特等生力軍，隨時成為西岸奇兵。
雖然「籃板王」路夫右手骨折要休息六星期，上季已受重創的控衞列比奧亦起碼到聖誕節才可復出，但路夫就堅信木狼已經「葡萄成熟」，係時候爆發：「我相信木狼今季會先苦後甜，前幾季我哋仲交緊學費，但今季我同列比奧都成熟咗，要闖入季後賽再唔係發夢！」