歌手周柏豪最近經常到街場打籃球，備戰下月底舉行嘅「adidas街頭籃球賽2012」！柏豪為一雪去年在男子公開組決賽落敗之恥，實行向甲一福建球星張偉康求教「街場技」！賽事現已正式接受報名，各波友若想落場挑戰柏豪新招、或想與甲一球星切磋，快點填好參賽表格遞交吧！
柏豪去年帶領「黑援」闖入決賽，不敵由甲一勁旅永倫隊長香振強壓陣的「DLAS」，柏豪至今仍耿耿於懷，故此於今屆賽前決心磨練好街場絕技，而阿康亦醒三招予柏豪，分別是急停跳射、突破切入和三分投射，讓柏豪屆時可大派用場。
柏豪現時身為藝人，落場打波總成為焦點，究竟會否感到壓力呢？柏豪直言完全沒有：「因為現時自己工作非常繁重，投入籃球的時間不多，心態上已經變成玩樂及保持做運動的性質。」柏豪更表示，之後打波的時間會愈來愈少，會更珍惜同一眾隊友出外參加比賽及相處時間，因為籃球能夠帶給自己快樂和友誼。
談及今屆目標，柏豪不諱言就是要贏冠軍，難怪柏豪要向阿康請教！想知柏豪修練絕招的成果如何，或是想挑戰這位「球星+明星」，記得今日要搶閘報名參加「adidas街頭籃球賽2012」，落場與柏豪及一眾甲一球星較技。
男子組戰況激烈，女子組亦「巾幗不讓鬚眉」！今屆女子組只接受16歲或以上球員報名，而且最多可註冊兩名甲組球員，故此實力上已獲肯定。不過參賽名額只有8隊，想報名參加就要快手了！
賽事設立男子青少年組（14至16歲），名額與公開組的32隊看齊。上屆帶領英華書院奪冠兼榮膺MVP的吳嘉軒，今年因超齡或會轉戰公開組，但他認為一班英華師弟潛質優厚，絕對有力衞冕錦標。
今屆「adidas街頭籃球賽2012」分成男子青少年、男子公開及女子公開組，當中最受注目的絕對是男子公開組！皆因據規定每支參賽球隊可註冊一位甲一球員，水準當然獲得大幅提升！應屆甲一常規賽冠軍永倫隊長香振強及方誠義、南華主力射手劉子健、飛鷹後衞梁民熊、以及福建「大隻仔」張偉康等……繼去年角逐賽事後，今屆亦打算捲土重來！去年贏得冠軍的香振強直言，要衞冕的難度增加不少：「現時香港普遍球員打街場的水準愈來愈好，差距亦拉近不少。」
圖、文：司徒子文