球場「不務正業」好普遍

世界各地嘅球場除咗用嚟比賽,仲有好多用途,舉行婚禮只係其中一種。08北京奧運嘅主場館鳥巢,旁邊一塊1000平方米空地就改建成溜冰場,至於京奧另一地標式建築物水立方,更成為亞洲最大嘅主題水上樂園。NBA芝加哥公牛隊主場,曾借畀馬戲團同冰上迪士尼使用。

至於球場開演唱會就更普遍,香港紅磡體育館就經常開演唱會,新伊館亦搞過棟篤笑,NBA紐約人、洛杉磯湖人、達拉斯小牛嘅主場館,都係歌手開騷嘅熱門地點。