事緣奧尼爾同電視台藝人女友、29歲嘅Nicole'Hoopz'Alexander早前想入奧蘭多一間著名女子體操訓練中心時，女友被拒進入，因為中心只准18歲以下女生進場，巨無霸女友即時發惡大叫大嚷，更衝着訓練中心嘅老闆又喊又叫，場面非常混亂。
藝員仔潑婦罵街攞嚟衰
奧尼爾頓時面目無光，即時將女友拉走，結果Nicole轉而大罵巨無霸，更以「某處尺寸太小嘅黑Ｘ」嚟形容佢。但奧尼爾就表現得非常冷靜，完全冇將事情鬧大，原來佢有後着，就係同女友分手，據報Nicole已搬離奧尼爾嘅居所。如斯冷靜處理呢啲尷尬事，巨無霸認真抵讚。