「百米飛人」保特形象花弗又浮誇，好多人都封佢做偶像，今次奧運男子100米決賽門券就算貴到725鎊，依然一票難求。雖然大戰當前，但保特仍口花花撩女仔，話希望奪金後帶前「A高嫂」Cheryl落吧夜蒲！男子百米決賽一向係奧運王牌項目，全球數億人將睇現場直播見證飛人誕生，而有幸入場嘅觀眾，為呢項賽事平均每秒要使成75鎊，都一啲都唔覺得貴。
保特今次將面對牙買加師弟比力克正面挑戰，但佢好似胸有成竹，已經部署要相約Cheryl慶功﹕「Cheryl真係好靚，佢同歌手Rihanna係全球最美女人。若Cheryl肯入場睇我比賽，賽後我會帶佢食燭光晚餐，跟手同哈利王子齊齊開P！」