正所謂英雄莫問出處，出戰68公斤級跆拳道賽的新西蘭選手坎貝爾，原來為咗「籌旗」去奧運，喺09年就決定開妓院靠女人搵銀。雖然坎貝爾最終達成參戰奧運夢想，但難免會畀人翻舊帳，於是佢就向傳媒解畫：「嗱！我開嗰間係高級嘢，唔可以同一般妓院相比！況且，我間嘢係合情合理兼合法，啲妓女係自願嚟搵錢，絕對唔存在逼良為娼呢啲老套嘢。最重要嘅係，間舖喺兩年前我儲夠錢之後經已賣咗，都唔知你哋仲問嚟做乜？」