那些年，他們一起拿過奧運金牌後，依家究竟做緊乜？原來有好多中國金牌選手，包括鄧亞萍、王楠等，就喺退役後都選擇從政，據講總共有38位；而踩入娛樂圈有劉璇、桑雪同埋田亮；從商搵真銀嘅亦有李寧、李小雙、高敏……當然，最幸福就梗係乜都唔使做，搵個好歸宿、好男人嫁咗佢，做個全職「少奶奶」啦！好似兩代「跳水天后」伏明霞同郭晶晶齊齊嫁到嚟香港、前「乒乓一姐」張怡寧就同金融界「鑽石級王老五」徐威拉埋天窗、「蛙后」羅雪娟就與「核能大王」盧鶴紱嘅孫仔盧曉拍緊拖、「羽球女神」高崚就嫁咗畀「時尚大王」吳聖。