成日都話唔好以貌取人！講緊嘅係以71歲之齡，成為今屆倫敦奧運最老運動員嘅日本馬術代表法華津寬，雖然佢昨日出戰馬術盛裝舞步賽，首回合得到68.723分；但唔好睇佢成個阿伯咁嘅樣，原來法華嘅祖先個個都係堅料，仲要係海盜添！
話說法華津家族個個都係「有朵」之人，法華津寬個老竇係日本外務省調查局局長、阿爺就係「橡膠大王」，而喺戰國時代嘅祖先仲勁，係名震伊予國南部嘅海盜法華津前延。不過，阿寬個老婆祖先其實更勁，係帶領日本兩次抗擊蒙古軍的北条時宗，果真威猛！