今屆倫敦奧運體操嘅比賽場館O2體育館，陳奕迅及張惠妹都喺度開過演唱會。而體操男子團體預賽已全部結束，兩支熱門團隊中國及日本雖順利入到決賽，但成績稍令人失望。男子團體預賽用6-5-4賽制，亦即總數6個項目，每個項目都派出5人比賽，當中只計入4個最高分隊員。而去到決賽就有唔同，總數6個項目，每個項目只派3人比賽，3個人嘅分數都會計入。基於決賽唔會撇除最低分嗰位，所以唔接受重大失誤，穩定至為重要。