高爾夫其中一項大滿貫賽事，英國公開賽昨晨順利結束，43歲嘅南非球手艾斯實現驚天大逆轉，成功反勝澳洲球手史葛贏得英國公開賽冠軍。
呢場賽事認真峰迴路轉，Daniel認為一直領先嘅史葛最終可以帶到返終點，點知呢位澳洲球手最後4個洞都超標，結果被艾斯反勝奪冠。呢個亦係艾斯職業生涯第4個大滿貫冠軍，而「老虎」活士則結束今季於大滿貫差勁表現，列第三位。
除此之外，Daniel睇直播期間發現一個球僮個樣好面善，原來係曼城球星泰維斯。呢位阿根廷射手獲邀擔任同胞安祖斯羅美奧嘅球僮，可惜「野獸」未能為呢位阿根廷高球手帶來好運，安祖斯羅美奧最終排於倒數第一位，泰維斯呢勻真係佗衰家囉！