諗計阻中國乒團壟斷

單打每隊限兩人

北京奧運取消雙打，改打男、女團體賽，全為阻止中國壟斷金銀銅牌，喺團體賽頂多拎到1面金牌，所以今屆都係繼續有團體冇雙打。另外，倫敦奧運乒乓球賽仲有兩個主要變動，第一個改動係參賽國單打人數由3人減至2人，目的非常明顯，就係避免畀中國包辦晒金銀銅牌。與此同時，賽會同時改動賽程，以往係先團體後單打，今次掉番轉先單打後團體。團體賽一般都係先小組後淘汰，由弱打到強，有時間畀球員熱身，但今次單打行先，由於中國球手排名喺世界前16位，一嚟就打32強淘汰賽，欠缺賽事熱身，隨時會出現爆冷戰果。