波衫舖老闆︰大把人印碧咸

今屆奧運波衫冇行貨供應，想買嘅球迷只能夠幫襯水貨。喺旺角經營緊樓上球衣店嘅老闆阿Ken就話，雖然水貨價錢一般都比行貨貴，但勝在好多非主流嘅波衫都有，所以都好受歡迎。問到阿Ken今屆奧運邊件波衫最好賣，佢就話：「當然係英國啦，因為真係無乜幾可有隊英國聯隊，紀念性都好高！特別係之前碧咸有機會入選，好多人都想買番件印埋碧咸個名嚟留念；雖然之後佢落選咗，但仍然有唔少客堅持印上錯體嘅『7號碧咸』，而我哋暫時亦只係入咗『7號碧咸』、『11號傑斯』同埋『10比拿美』嘅貨，可以睇得出好多人都仲好掛住呢位萬人迷！」