點解日本隊波衫要成2000蚊先有交易，咁係因為水貨係由當地直接入口，由於日本嘅生活指數高，例如當地買一件曼聯波衫動輒都過千，所以計番匯率件女足落場版都要番咁上下！不過，波衫矜貴之處係印埋球員名同號碼，如果要揀歐洲質料嘅「澤穗希＋10號」印字只需200蚊，但如果刁鑽到要原廠日本版就盛惠600蚊，加埋件衫就要2600蚊，值唔值呢個價就見仁見智嘞！