今屆男、女子奧運足球所有場次足智彩都會接受投注，首輪分組賽連男、女奧足「冠軍」、「小組首名」、「小組一二名」及男奧足「決賽組合」項目於今日中午12時開售。巴西、西班牙分列男子奪標首、次熱門，巴西史上從未贏過奧運金牌，難免令人有戒心，不過佢哋身處C組對手只係埃及、白俄羅斯及新西蘭，小組首名應可手到拿來。近年橫掃球壇的西班牙則身處D組，同組有日本、洪都拉斯及摩洛哥，如發揮正常亦應可首名晉級，但翻查紀錄，對上四屆金牌得主均非歐洲國家，西班牙想繼92年後再度封王似乎亦有一定難度。
A組東道主英國被列為奪標第4熱門，但從早前熱身賽對巴西所見，陣中小將質素、經驗俱欠佳，莫講話想奪金，小組面對烏拉圭、塞內加爾出線亦充滿暗湧。
烏拉圭於南美洲區外圍賽能力壓對上兩屆金牌得主阿根廷出線，實力非同小可，加上今次徵召了一對大國腳前鋒蘇亞雷斯及卡雲尼掛帥，絕對具有問鼎金牌實力，6.5倍冠軍值得支持。