曼聯今個夏天勁飛三大洲「搵真銀」，其中7月25日將到國內與上海申花踢表演賽。有關門票已於本月7日正式發售，有7種價錢畀球迷選擇，最貴賣1680元人民幣，最平180蚊人仔已有交易，真係抵睇到爛。另外，於比賽前一日曼聯會作公開操練，波飛亦同時有得賣。今次曼聯有日本新星香川真司隨行，而申花又有杜奧巴、安歷卡壓陣，相信會賣個滿堂紅。