Meao~~~唔好睇我全身白色，其實我好鍾意黑色，我見到黑色嘅嘢就會瞓上去，點解？我都唔知架！或者覺得有安全感啩？但你哋唔覺得我喺黑色上面有好大對比，可以突顯我嘅美態咩，meao~~。
我主人知道我鍾意黑色，所以整咗一個私家竇畀我，又暖又可以睇到電視，真係一個安樂窩。我年紀唔細架喇，以前鍾意食貓餅，又香又脆，依家就多咗食罐項，老人家嘛，啲牙唔夠力，但我話畀大家知，主人成日煲瘦肉湯畀我飲，真係好好味道呀！亦可能係我保持青春活力嘅良方。
大家可能見到我有啲奇怪，點解條尾咁短嘅？其實我條尾以前又靚又長，但幾年前條尾生咗個好似波咁大嘅瘤，搞到我行動好唔方便，所以主人咪帶我去切咗，依家條短尾都幾靚女吖，你哋話係咪？
