估波神獸 保羅最堅！

2010年世界盃八爪魚保羅成為星中之星，佢貼德國所有賽事全部命中，被封為「章魚帝」，死後仲獲水族館建立雕像紀念，認真犀利！受到「保羅效應」帶動，2010年世盃出現大批「估波神獸」，連海豚、河馬同龜都貼埋一份，非常熱鬧，但命中率全部都唔係保羅對手。

神獸風亦直吹其他體育賽事，2010年廣州亞運會，廣州有動物園搵咗多隻大熊貓貼賽果，一隻叫做博斯嘅貼中武術賽果，非常叻仔！不過，有分析指出，中國係亞運會金牌大戶，動物園安排竹代表中國，另一種食物代表其他國家，大熊貓鍾意食竹，命中率自然高啲，有造假之嫌。