行街玩波 我最Like
「汪、汪…！」我叫Oki，其實平日我好少出聲，今次破例同大家打個招呼！我知道主人Sherry係香港頂級運動員，作為佢嘅寵物，我都感到自豪，自問都有運動天分㗎。不過，我就冇興趣做專業運動狗，平時玩玩就冇所謂。
我平時最鍾意就係玩，有得玩我就開心，雖然Sherry買好多玩具畀我，但我最鍾意都是「波波」，不論前後左右，我都一定會接到，對我全無難度，每次都玩到全身出汗，我就最鍾意呢種感覺，至於其他玩具……冇興趣！
除咗玩，我都好鍾意瞓覺，特別係食飽之後，再加一個午睡，真係一大樂事。問我鍾意食乜嘢？其實都好普通，主要係狗糧，有時Sherry媽會煮啲雞肉畀我，但我對食物要求唔大，反而我好mind有冇得出街玩，如果唔出街，我會唔開心囉。