我好鍾意食嘢，呢個係keep住骨弗身形嘅秘訣，講到我嘅「飛佛」，當然係杧果，夏天又嚟到……講起都流口水。雖然我係一隻鸚鵡，但我鍾意行路多過飛，每日我有時間就會跟住洪仔喺屋企大廳「行圈」，行到腳仔軟咪飛吓囉。平時悶悶地我都會唱歌仔，自娛一下，但我最鍾意就係扮電話聲，唔同類型嘅電話聲我都ok o架，有次仲搞到洪仔以為真係電話響，真過癮！
除咗扮電話鈴聲呢個絕技外，我好鍾意玩大小杯，要由大至細疊齊，絕對難唔倒我。問我最憎係乜？當然係阿Max，佢遲過我嚟到呢度，仲想扮「大佬」，我當然唔服，洪仔都知o架，要我讓佢，no way！