印度聯賽發生球員猝死事件！一名二十八歲盛年球員，於比賽第七十八分鐘後備入場，點知喺比賽完結前突然暈倒。由於當地缺乏醫療器材，冇辦法為球員進行急救。再加上球場內亦冇救護車，所以只能用一架電動三輪車送佢到附近醫院，奈何運送時間太長，去到醫院後已證實不治。醫生表示，如果能及時向病者提供吸氧氣或得到適當救治，或者可救番一命。