紐約市內擁有不少遊客專區，一式一樣的店舖除推出「I Love乜乜」、「I Love物物」等「行到爆」的商品外，最近亦跟紅頂白「翻瘋」，推出A貨林書豪Tee恤，實行博亂搵番筆。
經小記查證後，發現「老翻瘋Tee」印字粗糙、字形、衣物用料亦與正貨有別，以假亂真賣到成20美元（約150港元）確實幾離譜，奈何據店東所講，J.Lin Tee乃近幾星期以來最暢銷商品，好多遊客更大手入貨當嚟做手信，真係長賣長有。「林瘋」商品不但正貨好賣，連老翻市場都殺埋，真係點到你唔服？
