信豪得救

林書豪有幾勁？第一係佢令球隊產生團結嘅化學作用，鋪橋搭路係佢強項，甚至畀到隊友「只要你交波畀我，我就可入波」嘅信心。同「A米＋安東尼兩個打晒的作風正好唔同。

第二係林書豪最適合教練迪安東尼嘅「快打旋風」打法，係佢心目中嘅最佳後衞，佢可以好似拿殊咁為隊友穿針引線，令眾人嘅價值均體現出嚟，因而獲得教練同隊友嘅絕對信任。

機會係畀有預備的人

兩年前我喺台北小巨蛋嘅姚明慈善賽遇過林書豪，當時佢畀我嘅感覺係平平無奇，但佢一周成名嘅故事教識我哋，機會係留畀有預備的人，而波一定會落喺有能力嘅球員身上，呢方面香港球員真係要好好向佢學習。