西班牙單車手干達杜被國際體育仲裁法庭「定罪」後，「禁藥」火頭辣到同胞拿度，法國電視台Canal Plus喺諷刺時弊節目影射拿度用禁藥，西班牙網協即時強烈譴責，並會起訴Canal Plus。而有干達杜嘅支持者發起2‧12單車遊行，參加者會戴上該環法車手嘅面具聲援。另外，仲裁法庭秋後算帳，指已退役嘅德國單車冠軍烏列治血檢不合格，追判停賽兩年，以及取消佢喺2005年5月後嘅成績。