杜域侯活近年同女友Christine Vest戀得愈來愈高調，好似上年夏天訪華都有帶埋女友一齊去，難怪美媒體都預期佢哋好快拉埋。
歌手女友係LA人
八卦網站《MediaTakeOut》指Christine近日出席晚宴時戴上一顆鑽戒已令人起疑，而知情人士更爆料指兩人早前已經訂婚，只係杜域侯活想低調處理，多少因為佢早前同前女友Royce Reed分手後鬧翻打官司，所以有陰影唔想提感情事。
據悉Christine Vest係一個地道洛杉磯人，而且佢又係歌手，所以都希望留在洛杉磯生活方便工作。若然兩人結婚嘅話，「魔獸」好可能遷就對方搬去洛杉磯，大大增加佢加盟湖人嘅機會。