晨曦打少兩個慘負飛馬
繼上周五公民對南華因裁判執法引發球迷小騷動後，昨假旺角場上演的甲足日之泉JC晨曦對天水圍飛馬，球證廖國文下半場判罰晨曦12碼、紅牌驅逐基藍馬及米路雲洛域離場，以及尺度不一的執法，令晨曦先勝後敗輸1比3，球證執法不濟令球圈充滿戾氣，晨曦更在賽後表示會要求他們對南華的銀牌決賽改用外國裁判。
晨曦開賽兩分鐘已由卓卓頂入先開紀錄，易邊後飛馬藉高梵「執死雞」追成1比1。戰至65分鐘，基藍馬禁區內「食位」卻被指手部有動作，擊中對方後衞盧卡斯，球證廖國文直指12碼，再出示紅牌驅逐基藍馬出場，此判決極具爭議及充滿疑點，現場柴台聲不絕。
要求銀牌決賽用外國球證
飛馬憑張健峰射入12碼，晨曦落後1比2之下奮力應戰，73分鐘，晨曦巴利頭槌攻門，被利偉倫護空門，皮球從高而落，米路雲洛域欲跳頂攻門被麥基撞跌，廖國文竟毫無表示。6分鐘後，米路雲洛域被廖國文出示第二黃牌被逐，落後兼打少兩人，等同判晨曦「死刑」。82分鐘，飛馬憑卡里祖埋齋，以3比1獲勝。
晨曦會長周文亮賽後仍顯風度，向飛馬會長王威信握手道賀，但他說：「飛馬有實力，輸波我接受，但就接受唔到咁樣輸法，球證全場對我哋做過幾多次公平判決？同樣犯規動作，點解只有晨曦球員攞牌？個12碼係值判，但點解直接紅牌？同樣，假如我哋靠球證不公平對待而贏波，畀我哋贏到個聯賽冠軍都冇意思！唔該足總認真處理球證水準問題！」
屯門作客踢和大埔
經過昨仗後，為免再令外間陰謀論不斷，晨曦將於日內向足總入信，提出下月對南華的銀牌決賽，要求由外國球證執法。有晨曦管理層表示：「盃賽決賽兩隊合聘外國球證執法早有先例，且尚有個多月時間，應該可以安排到。至於昨午大埔主場迎戰屯門，由晨曦轉投的亞古沙首次上陣即於60分鐘埋門建功，為屯門以1比0領先，大埔則在76分鐘憑陳立明追成1比1平手，最終和氣收場。