縱然奧尼爾已退役多時，但呢位一代中鋒轉職講波佬後依然大受歡迎，「巨無霸」早前更獲湖南衞視邀請，到中國出席該台春晚節目，而奧尼爾已經答允，雙方將於下周簽約。
湖南衞視將於1月17日舉辦龍年春晚節目，除繼續邀得娛樂界名人之外，今年還向國際運動員埋手，包括邀請奧尼爾、碧咸及安歷卡等球星出席。雖然安歷卡及碧咸已婉拒邀請，但奧尼爾就願意來華過年，並大有機會在節目上表演，中國球迷肯定充滿期待。
至於同奧尼爾一樣有「超人」稱號嘅杜域侯活，最新傳聞係可能落腳紐約。有消息指紐約人打算以「A米」史杜迪米亞作籌碼交換侯活，甚至加埋新兵贊特拿亦在所不惜。