反傳統唔使鬥巫師
由於今季NBA受停擺影響，賽程變得密密麻麻，小牛要「度期」見總統都花咗唔少工夫，最終同總統奧巴馬夾到檔期，敲定於香港時間1月10日到白宮「面聖」。
其實今次訪白宮一事，古班都有唔少牢騷，主要因為賽程縮減後，聯盟竟然刪除咗小牛作客巫師嘅常規賽，但要知道傳統以來，總冠軍入白宮都會安排喺作客巫師嘅賽事前進行，以便見完總統後就比賽，唔使專登飛多轉。
最搞笑係聯盟刪咗小牛作客巫師，但同時又保留番小牛主場對巫師，難免令古班感到可能係有人玩嘢。不過，古班一向係NBA總裁史端嘅眼中釘，就算有心玩佢亦非奇事。