元旦日「2012大裕言」第一次同大家見面的日子，首先講聲新年快樂！新一年我希望在風風雨雨下展開的NBA依然鬥得精彩，本地籃球亦熱熱鬧鬧，我本人已定下目標，就係助永倫創下聯賽4連冠的歷史任務！
2011年對我來說係難忘和豐收的一年，因為永倫贏得銀牌、聯賽常規賽及季後賽「3料冠軍」，我累積的銀牌及聯賽冠軍獎牌，亦啱啱好各增至11個，另外首次擔任香港代表隊教練的工作也學習到很多，領軍出戰馬來西亞柔佛及港澳埠際賽，為我教練生涯揭開新一頁，不知熱愛籃球的廣大讀者，又有何收穫呢？
今年我會繼續以球員、教練及評述員3個身份享受籃球世界，評述工作方面會為廣州電視台講波，睇NBA寓工作於娛樂，同時不斷吸收人家的優點，希望運用到教練工作中，事關教波我仍然算係「新丁」。
NBA衞冕總冠軍小牛多名主力平均年齡已達34歲，我唔睇好小牛「冧莊」；相反本地聯賽我有信心永倫可再稱霸，之前威立等都未試過「4連冠」，我們永倫Brother就一條心，向創造歷史進發！
香港籃球隊教練 永倫教練兼中鋒蔡芳裕