隨着Air Jordan嘅成功，各大球鞋生產商當時即為旗下NBA球星推出個人球鞋，希望在市場上分一杯羹。其中較特別嘅係80年代「大猩猩」伊榮以自己名字成立嘅獨立品牌，鞋舌有大大個「EWING」品牌Logo，有一定潮味，難怪當時唔少香港藝人都係「伊榮鞋」嘅粉絲。
90年代NIKE除佐敦系列大熱外，「次熱」應該要數夏達威嘅Air Penny系列。當其時佢個1號Logo極受潮人追捧，加上球鞋集合時尚與科技於一身，絕對係籃球鞋設計上一大突破。
雖然NIKE於90至千禧年代「壟斷」籃球鞋市場，但其實其他個別品牌亦有滄海遺珠，好似FILA出品嘅格蘭希爾系列，就因價錢比一般籃球鞋便宜而殺出血路。之後REEBOK嘅艾佛遜Answer系列同高比拜仁前贊助adidas為佢研發嘅戰鞋，都令鞋迷留下不少回憶。