踏入2012年，香港足球將進入新時代，其中「鳳凰計劃」中主打嘅「超級聯賽」定於年中出台，到時各甲組會如何配合「升呢」，就要睇吓足總如何籌劃。
至於香港代表隊任命新主帥梅歷及青年隊教練金判坤之後，亦要開始為提升港足世界排名而部署，兩位新教練點樣同甲組會協調，亦係港足發展路上嘅一大難題。到底本地波係咪真係有曙光，2012將係至為關鍵嘅一年。