青春無敵雷霆三連勝

新興勢力雷霆開季愈戰愈勇，四日三戰毫無難度！尋日重遇季後賽手下敗將灰熊，杜蘭特再度發揮得分王本色狂轟32分，領雷霆贏98比95，開季三戰全勝。另外陣容年輕嘅金塊及溜馬同樣勇銳連勝，可見緊密賽程下，體能比技術更重要。

雖然雷霆今場有韋斯布克失準13次起手全部「炒粉」，但幸好拍檔KD杜蘭特繼續「着火」，全場交出32分、8個籃板及2次封阻嘅華麗數據，而今場亦係KD第3場取得「30+」，結果助雷霆險勝。雷霆同塞爾特人一樣開季4日3戰，而且對手唔弱分別硬撼魔術、木狼及灰熊，但戰績就與「綠軍」相反，反映年輕確存有優勢。