阿濤Sell客3招
劉凱濤Sell保險強調「以客為本」，就等我哋考一考呢位新進保險從業員遇到麻煩客人時點樣「見招拆招」啦！
Case 1 當交朋友
客人A：「我冇時間，唔想聽呀！」
劉凱濤：「我都明白你好忙，其實只係阻你一點時間，畀番啲資料你睇，最重要係為你做免費財務分析，如果最後唔需要嘅話，大家當交個朋友啦！」
Case 2 少有少「保」
客人B：「我賺錢唔多，仲買保險？」
劉凱濤：「保險其實係一個保障，讓你安心工作，買多或少係按你需要，根據分析為你制訂計劃。」
Case 3「高」坐低就
客人C：「嘩，你咁高，我聽唔到你講嘢呀！」
劉凱濤：「我都明白，所以我想約你坐低一齊傾，咁我哋之間嘅距離都會近啲啦！」